Nærandi dvöl í Hvammsvík

Myndir/ Sunna Gautadóttir Rétt utan við höfuðborgarsvæðið má finna einn fallegasta fjörð landsins, Hvalfjörðinn. Innst klofnar hann í tvo voga, Brynjudalsvog og Botnsvog, en tignarleg fjöll og óspillt náttúra umlykja hvern þann sem leggur leið sína þar um. Þegar komið er áleiðis inn í fjörðinn, um 45 mínútur frá Reykjavík, má finna sjóböðin í Hvammsvík þar sem hægt er að staldra við og njóta þess að vera úti í náttúrunni á hvaða árstíma sem er. Fullkomin friðsæld í náttúrunni Í Hvammsvík liggja átta heitar baðlaugar við svarta strönd umkringdar fjöllum, selum og ríku fuglalífi. Laugarnar eru misheitar en auk þeirra