Fyrsti arkitekt Íslands

Umsjón/ Telma Geirsdóttir Myndir/ Af vef Minjastofnunar, með þökkum Rögnvaldur Ólafsson var sannkallaður brautryðjandi í íslenskri byggingarlist. Hann stundaði nám í húsagerðarlist í Det Tekniske Selskabs Skole í Kaupmannahöfn og er almennt talinn fyrsti íslenski arkitektinn. Þegar heim var komið var hann ráðunautur ríkisstjórnarinnar um húsagerð og beitti sér m.a. fyrir aukinni steinhúsagerð. Rögnvaldur setti sannarlega svip sinn á byggingarlist á Íslandi og eftir hann standa þrjátíu kirkjur um allt land og fjöldamörg þekkt hús í miðborg Reykjavíkur. Rögnvaldur Ólafsson fæddist á Ytrihúsum í Dýrafirði þann 5. desember 1874. Hann lauk stúdentsprófi frá Menntaskólanum í Reykjavík 25 ára gamall og