Meira grænt með Sollu og Hildi 

Það er tilhlökkun í hópnum sem er mættur í heimahús í Hafnarfirðinum eitt kalt miðvikudagskvöld í október. Húsráðandinn er engin önnur en frumkvöðullinn Solla Eiríks en tilefni samkundunnar er matreiðslunámskeiðið Meira grænt sem Solla og dóttir hennar, Hildur Ársælsdóttir, standa fyrir. Eftirvæntingin er áþreifanleg en hún breytist hratt í einskæra ánægju, enda yndisleg kvöldstund í alla staði. Umsjón: Steinunn Jónsdóttir Myndir: Sunna Gautadóttir Solla og Hildur hafa haldið námskeiðin í nokkur ár. Kveikjan var áhyggjur þeirra af grænmetisneyslu landa sinna. „Það voru margir búnir að vera að spyrja okkur mæðgur hvort við ætluðum ekki að fara að halda námskeið, en...