„Einstök upplifun að lesa sig inn í hugarheima persóna Jóns Kalmans“ 

Eiríkur P. Jörundsson er rithöfundur, menntaður sagnfræðingur og fyrrum safnstjóri Sjóminjasafnsins í Reykjavík og Byggðasafns Reykjanesbæjar. Fyrir um tíu árum ákvað hann að láta gamlan draum rætast og gerast rithöfundur, og hefur hann skrifað þrjár ólíkar bækur, sagnfræðirit, glæpasögu og ævintýrabók sem er skrifuð í anda sögulegrar skáldsögu. Árið 2016 kom út ritið Þar sem land og haf haldast í hendur - Súðavíkurhreppur að fornu og nýju, árið 2019 kom út glæpasagan Hefndarenglar, sem þá vann glæpasagnasamkeppnina Svartfuglinn, og árið 2023 kom út söguleg skáldsaga þar sem þjóðsögum og ævintýrum er fléttað saman við þekkta atburði 17. aldar galdratíma. Meðfram