„Hversu mikill kjáni ...“

Sólrún, vinkona mín til margra ára, yfirleitt róleg og ljúf manneskja, sakaði mig um einelti þegar ég deildi „frétt“ á Facebook og viðraði eigin skoðun á viðtali við mann með umdeildar skoðanir. Þótt ég gæti sýnt henni fram á að hún ein hafi lesið það út úr orðum mínum, nægði þetta til að eyðileggja vináttu okkar. Viðbrögð vina minna og vandamanna við þessu komu mér mjög á óvart. Ein vinkona sem fylgdist með þessu „í beinni“ sagði hreinlega að farið hefði fé betra, hún hefði aldrei skilið tryggð mína og vináttu við þessa manneskju, það hefði sannast á þessum yfirgengilegu