Fjölskylda í uppnámi

Við erum fimm systkinin og foreldrar okkar voru samhent hjón og nutu mjög mikillar velgengni hvort á sínu sviði. Pabbi var háskólamenntaður í fagi sem gefur góðar tekjur og mamma rak verslun. Fyrir fimm árum misstum við pabba og mamma lést í fyrra. Síðan þá hefur allt verið í uppnámi í fjölskyldunni og hver höndin upp á móti annarri. Pabbi og mamma byggðu hús í notalegu og grónu hverfi og ég og maðurinn minn vildum kaupa það af dánarbúinu. Það fannst elstu systur minni ómögulegt þótt hún hefði engan áhuga á því að eiga það sjálf og tókst einhvern veginn...