Lítill smáréttastaður með stórt hjarta

Umsjón/ Þórey ÞórsdóttirMyndir/ Eva Schram Osteria Bari er nýr ítalskur vínbar og smáréttastaður í Hafnarstræti 9. Staðurinn sækir innblástur í hefðbundnar ítalskar osteríur þar sem maturinn er í forgrunni og gestir geta notið matar og víns í rólegu og notalegu umhverfi. Teymið á bak við staðinn er þrískipt: Róbert Aron Magnússon og Hólmfríður Rebekka Víkingsdóttir, Aron Freyr Heimisson og Einar Guðmundsson og Cornel G. Popa. Róbert hefur verið leiðandi í íslenskri matarmenningu undanfarin ár og staðið fyrir yfir 1.500 matartengdum viðburðum með Götubitanum (Reykjavík Street Food). Unnusta hans, Hólmfríður, hefur unnið náið með honum að uppbyggingu ýmissa verkefna síðustu ár.