Þeim var ætlað að hittast

Einu sinni fyrir mörgum, mörgum árum fórum við tvær fjölskyldur og ein frænka í sumarbústaðaferð, ætluðum að verja saman notalegri helgi, grilla og njóta þess að ganga um í fallegri náttúru. Þegar við loks komumst á áfangastað urðum við fyrir hálfgerðu áfalli sem samt átti eftir að verða mjög svo til góðs og hafa dásamlegar afleiðingar í för með sér. Við hjónin höfðum hlakkað lengi til að komast út úr bænum og börnin okkar voru mjög spennt. Það var svo mikið ævintýri að ferðast um landið, fannst okkur, og hver ferð eins og ævintýri. Við stefndum á Snæfellsnes og höfðum