Genki Instruments - þar sem hönnun, tónlist og verkfræði mætast 

Umsjón/ Matthildur Hafliðadóttir Myndir/ Eva Schram, Nicolas Ipiña og frá Genki Instruments Hönnunar- og tæknifyrirtækið Genki Instruments var stofnað árið 2015 eftir útskrift þeirra Ólafs Bjarka Bogasonar og Daníels Grétarssonar úr rafmagns- og tölvuverkfræði við Háskóla Íslands. Genki vann hönnunarverðlaunin 2019 en verk þeirra snúa að tónlistartækni og nýsköpun þar sem hönnun, tónlist og verkfræði sameinast. Við heimsóttum Ólaf Bjarka framkvæmdastjóra Genki á vinnustofu þeirra við Klapparstíg og fengum að fræðast um uppsprettu tónlistartæknifyrirtækisins og framtíð þess. Ólafur Bjarki er 32 ára Reykvíkingur sem útskrifaðist með meistaragráðu í tónlistartækni frá McGill háskóla. Hann hefur ferðast vítt og breitt um heiminn