FOSSINN Í 108 

Umsjón/ Matthildur Hafliðadóttir Myndir/ Eva Schram Við Gautland 21 var veitingastaðurinn Fossinn nýlega opnaður en flestir þekkja þessa staðsetningu betur sem Grímsbæ. Grímsbær er lítill verslunarkjarni við Bústaðaveg og hýsir þar margs kyns þjónustu líkt og blómabúð, hárgreiðslustofur, ísbúð, pizzustað og nú nýjan hverfisstað. Hjónin Auðunn Blöndal og Rakel Þormarsdóttir eru eigendur staðarins en þau búa sjálf í nágrenni við Grímsbæ og fannst vanta stað í hverfinu þar sem fólk gæti hist og fengið sér mat og drykk. Við fórum á Fossinn og hittum eigendurna og Einar Árnason yfirkokk staðarins sem matreiddi fyrir okkur það allra vinsælasta á matseðlinum. NÝR