Hlýleg og björt stofa í Gamla Vesturbænum

Umsjón/ Matthildur Hafliðadóttir Myndir/ Sunna Gautadóttir Í 101 Reykjavík lítum við inn til þeirra Almars Blæs Sigurjónssonar og Bjarteyjar Elínar Hauksdóttur en þau festu nýlega kaup á 120 ára gömlu húsi við Ránargötu. Þau starfa bæði við sviðslistir en Almar er leikari og starfar við Þjóðleikhúsið og Bjartey er dansari. Um þessar mundir koma þau fram saman í söngleiknum Kabarett í Þjóðleikhúskjallaranum, sem hefur notið gríðarlegra vinsælda og hefur hver sýningin á fætur annarri verið uppseld. Að búa við Ránargötu lýsa þau sem einstakri hverfisstemningu sem minnir á Kardemommubæinn að sögn Almars. Heimili þeirra er friðsælt þar sem þau hafa