Seldi myndlist á tíkall 

Það er róandi tilfinning að labba inn í glæsilegan sýningarsal gallerísins Þulu í Marshallhúsinu. Falleg verk eftir Guðmund Thoroddsen prýða háa veggina og sólarljósið lýsir upp hvern krók og kima. Blaðamaður er hér kominn að hitta Ásdísi Þulu Þorláksdóttur, gallerista og eiganda Þulu gallerís. Ásdís er ein af þeim manneskjum sem gustar um hvar sem hún kemur og það er augljóst að dugnaður og drifkraftur hennar er ekki af skornum skammti. Það er enda ekki á allra færi að taka af skarið og opna gallerí í miðjum Covid-faraldri en það er þó það sem Ásdís Þula gerði. Síðan þá hefur