Grillborgin Austin

Umsjón/ Þórey Þórsdóttir Myndir/ Frá veitingastöðum Austin, höfuðborg Texas, er þekkt fyrir einstaka grillmenningu sem á rætur að rekja til miðrar 19. aldar þegar þýskir og tékkneskir innflytjendur fluttust til borgarinnar. Þá fluttu þeir með sér evrópskar hefðir í reykingu og pylsugerð og varð þessi matararfleifð, í bland við blómstrandi nautakjötsiðnaðinn í Texas, upphafið að grillmenningu sem á sér enga líka. Í Austin snýst allt um hægeldun, einfaldar kryddblöndur og hina svokölluðu „heilögu þrenningu“: nautabrjóst (e. brisket), svínarif og pylsur. Sá sem stýrir elduninni er oft kallaður pitmaster og ber hann ábyrgð á öllum þáttum eldunarinnar, allt frá vali á