„Ég er ekki tilbúin að horfast í augu við heimsmynd þar sem konur eru svokallaðar tradwives.”

Lesandi Vikunnar er Heiða Vigdís Sigfúsdóttir, en hún er ævintýragjarn rithöfundur með ástríðu fyrir spuna og vafasama fortíð á sviði hagfræðinnar. Nýverið sendi hún frá sér ljóðsöguna Í hæfilegu magni, en fyrri bók hennar, skáldsagan Getnaður, bar sigur úr býtum í handritasamkeppni Forlagsins, Nýjar raddir, árið 2022. Í verkum sínum rannsakar hún þann þrönga stakk sem samfélagið sníður fólki og skrifar um fólk sem er gjarnan talið aðeins of mikið en samt aldrei nóg. Síðasta áratuginn hefur hún flakkað milli Reykjavíkur og Rómönsku Ameríku eftir því hvernig hefur viðrað í tilhugalífinu, en hefur nú sest að í Reykjavík með sjálfri