Uppskeran fer beint á diskinn á Farmers Bistro

Umsjón/ Agnes Sólmundsdóttir Myndir/ Aðsendar Við Garðastíg á Flúðum stendur veitingastaðurinn Farmers Bistro þar sem íslensk uppskera og hráefni úr nærumhverfinu eru í aðalhlutverki. Þar er á boðstólum dýrindis matur úr brakandi fersku grænmeti og má segja að hráefnið vaxi nánast við eldhúsdyrnar. Að baki veitingastaðnum stendur fjölskylda sem hefur ræktað grænmeti og sveppi á Flúðum áratugum saman. Við ræðum við hina hressu Ragnheiði Georgsdóttur sem klæðist vægast sagt mörgum höttum í fjölskyldurekstrinum á bak við Farmers Bistro, Flúða-Jörfa og Flúðasveppi. „Ég fæddist bara nánast inni í paprikuhúsi,“ segir Ragnheiður og hlær. Ragnheiður er ein fjögurra systkina sem ólust upp