„Það er áþreifanleg orka sem fylgir mannmergðinni á hverju horni“

Lovísa Falsdóttir er þrjátíu og tveggja ára, þriggja barna móðir í úthverfi í Kísildalnum, mitt á milli stórborganna San Jose og San Francisco. Fyrir utan að sýsla í kringum börnin er hún önnur tveggja þáttastjórnenda hlaðvarpsins Falsfrétta sem hún heldur úti með systur sinni. Þá hefur hún einnig verið að skrásetja líf sitt á samfélagsmiðlum undanfarin ár og heldur áfram að safna sér stórum fylgjendahópi. Hún hefur búið á ýmsum stöðum en vill gjarnan segja lesendum frá lífi sínu og fjölskyldunnar í Kísildalnum og hvernig flutningar vestur um haf hafa mótað þau. Umsjón: Rósa Björk Marois Ásmundsdóttir / Myndir: Aðsendar