HYGGE Í HÁVEGUM HAFT

Umsjón/ Agnes Sólmundsdóttir Myndir/ Eva Schram Við rætur Öskjuhlíðar má nú finna eitt nýjasta og eftirsóttasta íbúðahverfi Reykjavíkur. Þar hafa hjónin Jakob Einar Jakobsson og Sólveig Margrét Karlsdóttir hreiðrað um sig í huggulegri íbúð í Smyrilshlíðinni, ásamt fjölskyldu. Skandinavísk hönnun, hlýlegt andrúmsloft og persónulegir munir setja svip sinn á heimili þeirra og þeim hefur sannarlega tekist að skapa sér rými þar sem fegurð og notagildi fara saman. LANDSBYGGÐARFÓLK MEÐ MIÐBORGARHJARTA Jakob og Sólveig lýsa sér sem landsbyggðarfólki með miðborgarhjarta sem hefur mikið dálæti á skandinavískum stíl. Jakob er eigandi og framkvæmdastjóri Jómfrúarinnar við Lækjargötu og rekur jafnframt Matkrána í Hveragerði.