Fullkomnun í frönsku bakkelsi

Umsjón/ Agnes Sólmundsdóttir Myndir/ Sunna Gautadóttir Aurore Pélier Cady hefur unnið við matar- og eftirréttagerð í tuttugu ár. Frá námi í Frakklandi hefur nákvæmni, endurtekning og stöðug æfing fylgt henni í faginu. Við hittum Aurore í bakaríinu hennar „Sweet Aurora“ og fengum að kynnast tækninni á bak við franska bakkelsið. Hvaðan kemur þessi mikli áhugi á mat og bakstri? „Ég var alveg heltekin af mat sem krakki. Ég horfði á franska matreiðsluþætti, prófaði uppskriftirnar og fór í matreiðslubækurnar hennar mömmu. Um tólf ára aldur var ég eiginlega búin að taka yfir eldhúsið og strax þá vildi ég hafa allt mjög