Radísur og himintunglin

Í Þýskalandi árið 1922 fæddist stúlka sem var gefið nafnið Maria Thun. Snemma í hennar lífi skaut áhugi á takti náttúrunnar rótum, áhugi sem síðar átti eftir að verða að ævistarfi hennar. Í rúmlega 60 ár helgaði hún sig rannsóknum á tengslum himintunglanna og ræktunar og markaði með starfi sínu áhugaverð spor í sögu lífefldrar (e. biodynamic) ræktunar. Umsjón: Lýdía Huld Grímsdóttir Mynd: Unsplash Maria Thun (1922–2012) ólst upp á sveitabæ í grennd við bæinn Marburg í Þýskalandi. Ung að árum kynntist hún visku náttúrunnar þar sem hún fylgdist forvitin með háttalagi föður síns sem hafði það fyrir venju að