Reyniviður

Að hausti bregður aldinbær reyniviðurinn svip á umhverfið með sínum einkennandi rauða lit sem hann dregur nafn sitt af. Þá eru það ekki einungis laufblöðin sem skarta rauðu heldur staðfestir rauði litur berjanna þroska þeirra og laðar til sín fugla líkt og skógarþröstinn sem þiggur vafningalaust boð á slíkt hlaðborð. Umsjón: Lýdía Huld Grímsdóttir Myndir: Unsplash Reyniviður (Sorbus aucuparia), sem einnig kallast ilmreynir eða einfaldlega reynir, er 2–12 m hátt tré með beinum bol, greinóttu limi og stakfjöðruðum blöðum. Blómin eru mörg saman í stórum hálfsveipum og það sem einkennir bikarblöðin er að þau eru dúnhærð. Krónublöðin eru hvít, ávöl