„Ef þú lifir í ósamræmi við eigin gildi er hætta á að þú siglir í strand“ 

Sirrý Arnardóttir er landsmönnum kunn. Hún hefur látið til sín taka á hinum ýmsu vettvöngum frá því að hún stóð fyrst uppi í pontu, átta ára að aldri, og las smásögu fyrir framan hóp pólitíkusa á Ísafirði. Með þrjátíu ára farsælan feril í fjölmiðlum að baki starfar hún í dag sem stjórnendaþjálfari, fyrirlesari, rithöfundur og kennari við Háskólann á Bifröst. Tær útgeislun hennar lýsir upp hvert rými og nýtist henni í starfi þar sem hún hjálpar fólki að koma fram af öryggi og finna sinn innri kjarna, eða innra ljós eins og hún kallar það. Hún er knúin áfram af