„Fyrir mér er bakstur ákveðin hugleiðsla“

Helga Gabríela Sigurðardóttir hefur um árabil verið áberandi í íslenskum matarheimi, bæði sem matreiðslumaður og á samfélagsmiðlum þar sem hún hefur deilt uppskriftum og hugmyndum með fylgjendum sínum frá því hún var rétt rúmlega tvítug. Ástríða hennar fyrir matargerð kviknaði snemma og síðan hefur hún komið víða við, meðal annars starfað sem yfirkokkur, þróað uppskriftir og sinnt fjölbreyttum verkefnum tengdum mat og bakstri. Í dag er hún þriggja barna móðir sem hefur lært að setja skýr mörk á milli vinnu og einkalífs. Hún segist með árunum hafa orðið öruggari með sjálfa sig og lært að sleppa samanburði. Hún er hvergi