„Ég er alltaf á leiðinni að lesa fleiri Íslendingasögur“ 

Eva Ragnarsdóttir Kamban er þrítugur íslenskukennari sem kennir ungmennum allt um okkar ástkæra og ylhýra mál í Menntaskólanum við Hamrahlíð. Hún les að eigin sögn mikið, bæði í sambandi við vinnuna og í frítíma sínum, og er því vel að því komin að vera lesandi vikunnar hjá okkur að þessu sinni. Umsjón: Steinunn Jónsdóttir Myndir: Aðsendar og af vef Hvaða bók er á náttborðinu hjá þér núna? „Ég var að byrja á Öld ímyndunaraflsins eftir Berg Ebba sem kom út fyrr í haust. Ég er ekki komin langt en mér skilst að mörgum finnist þetta besta bókin hans hingað til