Vilborg Halldórsdóttir, leikkona og leiðsögumaður, hefur snert strengi í hjörtum landsmanna í þáttunum Það er komin Helgi, sem sýndir hafa verið í Sjónvarpi Símans í heimsfaraldrinum. Þar hefur hún flutt ljóð og eigin hugrenningar á milli þess sem eiginmaður hennar, Helgi Björnsson, hefur tekið lagið með góðum gestum. Vilborg segir að vissulega hafi umræðan alltaf verið svolítið á þann veg að hún sé „Vilborg hans Helga“ en hún viti alveg hvernig hún eigi að breyta því.
