Á náttborðinu

Texti: Steingerður Steinarsdóttir Blástjarna efans eftir Valdimar Tómasson er yndisleg perla. Hvert einasta ljóð er dásamlegt og það er eiginlega ekki hægt að loka henni, það þarf að lesa þetta aftur og aftur. Hér blikar blástjarna efans og fósturbarn angistar velkist friðlaust á galeiðu. Þessi fallega bók er tileinkuð minningu Vilborgar Dagbjartsdóttur og enginn vafi að hún hefði kunnað að meta hana. Pólerað Ísland eftir Ewu Marcinek er spennandi og frábærlega vel skrifuð bók. Hér skiptast á prósaljóð, ljóð og örsögur sem varpa ljósi á líf innflytjenda á Íslandi. Hér er skemmtileg kímni í bland við svarta alvöru, ádeilu, hrós