Á náttborðinu

Texti: Steingerður Steinarsdóttir Júlían er hafmeyja eftir Jessicu Love er einkar fallega myndskreytt bók fyrir yngstu börnin. Þau kynnast Júlían sem býr hjá ömmu sinni og er heillaður af hafmeyjum. Dag nokkurn hitta þau þrjár konur í neðanjarðarlestinni sem virðast einmitt vera hafmeyjur og hjá Júlían kviknar von um að hann geti sjálfur orðið eins og þær. Hvarf Jims Sullivans er frumleg og vel skrifuð skáldsaga eftir franska rithöfundinn Tanguy Viel. Söguhetjan Dwayne Koster hefur orðið undir í lífinu. Hann missti starf sitt sem kennari og eiginkonan skildi við hann. Í byrjun bókarinnar situr hann flestum stundum fyrir utan heimili