Á náttborðinu

Texti: Steingerður Steinarsdóttir Náhvít jörð eftir Lilju Sigurðardóttur er skemmtileg og vel unnin sakamálasaga. Daníel og Helena horfast í augu við eitt erfiðasta mál ferilsins þegar gámur með fjórum konulíkum og einni vart með lífsmarki finnst í Rauðhólum. Svo er Áróra beðin að skoða rússneskan mann, sem virðist hafa óhreint mjöl í pokahorninu.  Réttindabréf í byggingu skýjaborga er sjötta ljóðabók Eyþórs Árnasonar. Þetta er falleg bók full af minningum og svolítilli fortíðarþrá en einnig hversdagsmyndum og draumum. Eyþór er snjall ljóðasmiður og sýnir allar sínar bestu hliðar í þessari bók. Hann hlaut bókmenntaverðlaun Tómasar Guðmundssonar fyrir fyrstu bók sína, Hundgá...