Að fá að lifa upp á nýtt

Texti: Steingerður Steinarsdóttir Líklega er það dásamleg tilhugsun að mati flestra að fá tækifæri til að lifa lífinu upp á nýtt, snúa aftur í tímann og taka aðra ákvörðun en gert var á einhverjum tímapunkti og ná að endurskrifa sögu sína. Um einmitt þetta fjallar Miðnæturbókasafnið eftir Matt Haig, dásamleg bók full af von og hlýju. Við kynnumst Noru Seed nokkrum klukkustundum áður en hún ákveður að svipta sig lífi. Hún er nýbúin að missa vinnuna, kötturinn hennar er nýdáinn og hún býr í niðurníddri leiguíbúð. Henni finnst hún lítils virði og hafa klúðrað öllu. Nora var nefnilega efnilegur námsmaður,