„Alltaf góð lykt í vinnunni“

Eva Björk Malmquist Gunnarsdóttir á og rekur blómabúðina Dögg í Hafnarfirði. Hún segir jólavertíðina afar skemmtilegan tíma í blómabúðinni, hún sé mikið jólabarn og því finnist henni ákaflega gaman að búa til kransa og jólaskraut. Eva útbjó fallegan krans og skreytingar fyrir Vikuna. Ég stundaði nám í textíl og fatahönnun í framhaldsskóla,“ segir Eva Björk þegar blaðamaður spyr hver hennar bakgrunnur sé. „Svo fór ég að vinna í upplýsingatækni að námi loknu og sá einnig um rekstur á verslun sem móðir mín átti í nokkur ár og hjálpaði henni með framleiðslu á sínum vörum. Mamma var klæðskeri og gerði töskur