„Alveg jafn ískrandi fyndin og mig minnti“

Brynhildur Þórarinsdóttir er afkastamikill og margverðlaunaður barnabókahöfundur. Hún hlaut síðast Fjöruverðlaunin 2026 í flokki barna- og unglingabókmennta fyrir bókina Silfurgengið. Drjúgur hluti verka hennar eru endursagnir á Íslendingasögunum og hlaut hún meðal annars Norrænu barnabókaverðlaunin 2007 fyrir endursagnir sínar á Njálu, Eglu og Laxdælu. Brynhildur heldur úti vefnum Íslendingasögur.is fyrir börn og hefur einnig sent frá sér skólaútgáfur af Íslendingasögunum á íslensku og ensku. Af skáldsögum hennar má nefna Leyndardóm ljónsins, en fyrir hana hlaut hún Íslensku barnabókaverðlaunin 2004, og Gulbrand Snata og nammisjúku njósnarana sem var tilnefnd til Fjöruverðlaunanna 2018. Auk þess að sinna skrifum hefur Brynhildur verið mjög