Arizona sólsetur við smábátahöfnina í Hafnarfirði 

Umsjón/ Telma Geirsdóttir Myndir/ Sunna Gautadóttir    Við Strandgötu í Hafnarfirði hefur fjögurra manna fjölskylda hreiðrað um sig í 90 fermetra íbúð sem nýverið fékk allsherjar andlitslyftingu. Ljósmyndarinn og leikskólakennarinn Grace Jane Claiborn-Barbörudóttir og vélvirkinn Jónbjörn Birgisson festu kaup á þriggja herbergja íbúð árið 2018. Þegar fjórði fjölskyldumeðlimurinn var væntanlegur nokkru síðar var ljóst að fljótlega þyrfti að finna nýtt heimili - eða endurskipuleggja núverandi húsnæði.  Grace og Jónbjörn eru lausnamiðað fólk. Þau vildu ekki missa fallegt útsýnið yfir smábátahöfnina og sáu möguleika til endurbóta á íbúðinni svo bæði börnin hefðu herbergi fyrir sig. Eftir samtal við Eddu Guðbrandsdóttur, innanhússarkitekt hjá...