Áslaug ánægð með soninn

Texti: Ragna Gestsdóttir Áslaug Magnúsdóttur athafnakona og unnusti hennar, Sacha Tueni, eignuðust son síðasta dag maímánaðar. „Við Sacha Tueni eignuðumst Ocean Thor Tueni 31. maí 2022. Við erum svo lánsöm og ánægð að vera búin að fá hann til okkar og geta deilt fréttunum með vinum okkar á alþjóðlegum degi hafsins,“ skrifaði Áslaug í færslu á samfélagsmiðlum. Sonurinn er annað barn Áslaugar, sem er 54 ára, en hún á fyrir 28 ára son með fyrrum eiginmanni sínum. Áslaug stofnaði meðal annars fatalínuna Katla og er meðstofnandi Moda Operandi.