„Ástfangin af þessari fullkomnun“

Texti: Ragna Gestsdóttir Hjónin Bryndís Gyða Michelsen lögmaður og Gísli Kr. Katrínarson, framkvæmdastjóri hjá atNorth, eignuðust þriðja barn sitt, dóttur, í lok mars. Fyrir eiga þau tvo syni. „Þessi dásemd vildi ráða sínum afmælisdegi sjálf og mætti viku fyrir planaðan keisara alveg tilbúin og fullkomin á 38v5d. Við foreldrarnir erum auðvitað yfir okkur ástfangin af þessari fullkomnun og erum komin heim þar sem við bíðum spennt eftir að stóru bræður komi heim og hitti litlu systur. Nafnaveisla verður haldin síðar en hún hefur fengið nafnið Alba Röfn,” skrifaði Bryndís Gyða á samfélagsmiðla þegar hún sagði frá fæðingunni.