Bækur sem bæta lífið

Mörg setjum við okkur háleit markmið um áramótin og setjum með þeim stefnuna á það að verða besta útgáfan af sjálfum okkar á nýju ári. En þó markmiðasetning geti sannarlega verið af hinu góða, þá er vissara að fara ekki offari hér frekar en annars staðar. Setjum okkur markmið sem við sjáum fram á að njóta þess að vinna að og eru ekki það háleit að þau séu í raun dæmd til að mistakast. Við fórum á stúfana og fundum til nokkrar spennandi bækur sem gæti verið gott að hafa við höndina á þessari vegferð til betra lífs. Texti: Steinunn