Bókajól með Skáldu

Umsjón/ Telma Geirsdóttir Myndir/ Eva Schram Bókabúðin Skálda er lítil, óháð og sjálfstæð bókabúð í Reykjavík sem opnuð var í september 2024. Þar má nálgast bæði nýjar og notaðar bækur og geta sannarlega öll fundið eitthvað við sitt hæfi. Það er einstaklega notalegt að líta við á Vesturgötunni enda iðulega heitt á könnunni og oft eitthvað um að vera á þessum huggulega samkomustað bókaorma og lestrarhesta. Við fengum Einar Björn Magnússon bóksala til að mæla með nokkrum íslenskum bókum sem tilvaldar eru í jólapakkann í ár. Frumbyrjur eftir Dag Hjartarson Frumbyrjur er ljúfsár saga sem gerist á aðfangadag í afskekktum