Brosað út í annað

Texti: Steingerður Steinarsdóttir Bragi Valdimar Skúlason er einn orðhagasti maður sem nú er uppi á Íslandi. Hann smíðar nýyrði á augabragði og skellir fram stökum eða setur saman texta fyrir Baggalút svona rétt eins og aðrir skella í eins og eitt Legó-kubbahús. Það var því einstakt tilhlökkunarefni að opna ljóðabókina Jóðl og njóta þess að gleypa með augunum vísur, kvæði og ljóð. Jóðl inniheldur nefnilega allt þetta og dægurlagatexta að auki. Bragi kann öðrum mönnum fremur að tefla saman orðum sem alla jafna ættu ekki að passa saman en falla eins og flís við rass þegar hann hefur hleypt þeim