Litríkur matur lykilatriðið

Umsjón/ Telma Geirsdóttir Myndir/ Eva Schram Á huggulegu vetrarkvöldi tók Ragnheiður Björk Halldórsdóttir á móti góðum gestum í matarboði þar sem íslensk hráefni voru í hávegum höfð. Ragnheiður, sem er mikill ferðalangur og matgæðingur, fór að halda matardagbók á Instagram undir heitinu @bjorksbites árið 2022. Þar hýsir hún allan þann mat sem hún eldar eða neytir bæði heima fyrir og á flakki sínu um heiminn og leyfir öðrum að njóta með. Þau Ragnheiður og unnusti hennar, Steinar Örn Jónsson, buðu Guðrúnu Ólafsdóttur og Davíð Blöndal heim á dögunum þar sem þau gæddu sér saman á litríku lostæti og náttúruvínum með.