Nálgast heimilið eins og tónsmíð 

Umsjón/ Agnes Sólmundsdóttir Myndir/ Sunna Gautadóttir Nálgast heimilið eins og tónsmíð Í rólegri götu í Þingholtunum hefur tónlistarmaðurinn Sonny Bouraima skapað sér einstaklega huggulegt heimili ásamt eiginkonu sinni, Sigrúnu, og dóttur þeirra, Niyah. Hjónin stofnuðu saman umboðsskrifstofuna Grounded Creative Studios þar sem verkefnin teygja sig yfir tónlist, kvikmyndir, ljósmyndun og ýmis samfélagsmiðuð verkefni. Sonny starfar þar sem listrænn stjórnandi og segir grunninn að öllum sínum verkum spretta upp af áhuganum á stemningu, frásögn og þeirri tilfinningu sem upplifun skilur eftir sig. Sú hugsun fylgir honum einnig heim í fallegu íbúðina þeirra en þar fléttast saman tónlist, listsköpun og rólegt fjölskyldulíf.