„Gott er að vera léttur í lund“

Texti: Steingerður Steinarsdóttir Sumir virðast hafa fundið uppsprettu gleðinnar og það eiginlega fyrirhafnarlaust. Þetta fólk mætir öllum lífsins áföllum með bros á vör, þess fullvisst að líka þetta muni ganga yfir og eitthvað betra bíða handan við hornið. Og oftar en ekki reynist það hafa rétt fyrir sér. Eitthvert happ fellur þeim í skaut eða í það minnsta túlka þau það á þann veg. Hér er samt sem áður ekki á ferð neitt óraunsæi eða barnsleg einfeldni heldur val. Viðkomandi kýs að horfa fram hjá göllunum og umfaðma hið góða. Rannsóknir hafa sýnt að þeir sem hugsa svona eru líklegri