Sérkennileg en falleg blanda af gömlu og nýju

Texti og myndir: Guðrún Óla Jónsdóttir Á Hofi Í Öræfum stendur hin fallega Hofskirkja, sem er vinsæll viðkomustaður ferðamanna og afar vinsæl fyrir myndatökur. Hún er ein síðasta torfkirkjan sem byggð var eftir hinu gamla formi og ein sex torfkirkna sem enn standa og eru varðveittar sem menningarminjar. Kirkjan er lokuð almenningi en blaðamaður Vikunnar varð þeirrar heppni og ánægju aðnjótandi að fá að kíkja inn í þessa litlu fallegu kirkju sem á langa sögu og stendur í ótrúlega fallegu umhverfi. Elsta heimild um kirkju í Hofi frá 1343 Á vefsíðu Bjarnanesprestakalls, bjarnanesprestakall.is, segir meðal annars að elsta heimild um