„Við þurfum kvennabyltingu“

Texti: Unnur H. JóhannsdóttirMyndir: Hallur Karlsson Samtökin BSRB eru 80 ára í ár og í stafni þeirra stendur lögfræðingurinn Sonja Ýr Þorbergsdóttir en áhuginn fyrir lögfræðinni, jafnréttis- og stéttabaráttunni kviknaði þegar hún upplifði kynbundið launamisrétti á vinnustað ung að aldri. Hún þykir óvenjuleg í verkalýðsbaráttunni, þar sem hún nálgast málin almennt af yfirvegun, en hún bauð sig fram til forystu vegna hvatningar frá fjölda félaga sem skynjuðu forystuhæfileika hennar. „Áhuginn fyrir lögfræði kviknaði líklega endanlega þegar ég var að vinna á sambýli fyrir fatlað fólk. Þar unnu bara konur en svo var ráðinn inn strákur og fljótlega komumst við að