Þrír draumaprinsar

Sumarið eftir skilnaðinn við manninn minn til tuttugu ára, ákvað ég að njóta þess að vera einhleyp og sletta ærlega úr klaufunum. Ég fór talsvert mikið út að skemmta mér og kynntist þremur mönnum á næstu mánuðum. Þeir voru gjörólíkir og allir kenndu þeir mér dýrmæta lexíu um það hvað ég vildi og hvað ekki. Ég hitti Jóhann á skemmtistað, hressan mann sem vildi endilega bjóða mér og vinkonum mínum, ásamt nokkrum fleirum, heim í partí. Við þáðum það og ég hreinlega gapti þegar ég kom inn um dyrnar hjá honum. Sjaldan sem ég hafði séð jafnflotta íbúð og ríkmannlegt