Claudia Ashanie Wilson: „Þó að þetta sé ekki að gerast fyrir þín börn þýðir það ekki að það sé ekki að gerast fyrir okkar börn.“

Það er fallegt föstudagskvöld í september. Í vel skreyttum veislusal með útsýni yfir Lækjargötu er fjöldi fólks saman kominn til þess að fagna fertugsafmæli merkrar konu, mannréttindalögfræðingsins Claudiu Ashanie Wilson. Claudia hefur lagt sig alla fram til að gera vel við prúðbúna gesti sína og gleðin er við völd. Bróðir hennar kom alla leið frá fæðingarlandinu Jamaica til þess að elda dýrindis karabískar krásir og að borðhaldi loknu teymir taktföst reggae-tónlist alla út á dansgólfið. Það er augljóst að afmælisbarnið hefur skilið eftir mark í hjörtum viðstaddra enda er hér kona sem hefur helgað líf sitt baráttunni fyrir jafnrétti. Fyrr