Dásamlegt súkkulaði sem hentar vel á veisluborðið

Systurnar Anna Marta og Lovísa hafa sent frá sér nýja girnilega vöru sem þær kalla Hnetuhringinn sem inniheldur dásamlega blöndu hráefna eins og döðlur, hnetusmjör, kókos og jarðhnetur. Á honum er svo þeirra einstaka dökka súkkulaði. Hnetuhringur er ljúfur og góður sætbiti sem hentar frábærlega á veisluborðið sem eftirréttur. Hann passar fullkomlega með ís, rjóma, ferskum bláberjum og jarðarberjum. Einnig er gott að skera hann niður í litla bita og geyma í frysti þangað til löngun í eitthvað sætt og gómsætt kallar á mann.