„Ef það klúðrast, skelltu því í glas” 

Umsjón/ Telma Geirsdóttir Myndir/ Eva Schram Frá því að Anna Marín Bentsdóttir man eftir sér hefur bakstur verið hluti af lífi hennar. Í dag er þessi 22 ára dugnaðarforkur í fullu starfi sem bakari en fyrri hluta dags bakar hún kræsingar á kaffihúsi Kokku og seinni partinn þróar hún uppskriftir fyrir Nóa Síríus. Þess á milli má finna hana í söngleikjadeildinni í Söngskóla Sigurðar Dementz eða að búa til bakstursmyndbönd sem hún deilir á TikTok-reikningnum @annamarinbakar. Þessi metnaðarfulla unga kona segist ekki sjá lífið fyrir sér öðruvísi en bakandi og vinnur hún markvisst að því að láta drauma sína rætast.