„Ég er algjört jólabarn, með áherslu á barn“ 

Þúsundþjalasmiðurinn Halldór Eldjárn hefur sannarlega sett mark sitt á tónlistarsenuna hér á landi, til dæmis með hljómsveitinni Sykur og samstörfum við tónlistarfólk úr öllum áttum. Hann er þó ekki bara tónlistarmaður heldur einnig forritari og hefur tamið sér skapandi hugsunarhátt uppfinningamanns sem hefur skilað sér í hinum ótrúlegustu hönnunum þvert á listgreinar. Halldór er einnig forfallið jólabarn og hinn árlegi jólabakstur með Hildi, konunni hans, og Kötlu og Birki, börnum þeirra, kemur honum alltaf í jólaskap. Hverjar eru jólahefðirnar þínar? „Þær eru svo margar og koma margar auðvitað frá foreldrum mínum en fyrir þeim eru jólin sænsk hátíð. Við dönsum