Hún er í hópi þeirra sem ekki bíða eftir að aðrir geri hlutina heldur fer í þá sjálf og framkvæmir á eigin forsendum. Sigrún Jörgensen hefur alltaf haft næma tilfinningu fyrir tísku, stíl og fegurð. Hún rekur eigið fyrirtæki í þeim bransa en hefur þurft að draga úr umsvifum vegna afleiðinga COVID 19-sýkingar. Það er ekki eina áfallið sem hún hefur tekist á við um ævina en trúir því að allir erfiðleikar þroski manneskjuna og styrki beri hún gæfu til að vinna úr þeim á réttan hátt.
