„Ég vil ekkert meira en að fólk upplifi gæði og ró“

Umsjón/ Gunnhildur Björg BaldursdóttirMyndir/ Sunna Gautadóttir og aðsendar Þegar jólin nálgast fyllist vinnustofa Ingibjargar Hönnu Bjarnadóttur af litum, mynstrum og hugmyndum sem skapa stemningu til að hægja á, hjúfra sig í mjúk teppi, horfa augnablik lengur á kertaloga og njóta með sínum nánustu. Ingibjörg, hönnuður og stofnandi IHANNA HOME, er líklega þekktust fyrir fljúgandi herðatréð Krumma og snagana Ekki Rúdólf. Alla tíð hefur hún haft sterka þörf fyrir að skapa, láta hugmyndir taka á sig mynd og leiða þær alla leið inn í daglegt líf fólks. Í ár flutti Ingibjörg IHANNA HOME í glæsilegt húsnæði úti á Granda með sýningar