Eiginleikar korks sem gólfefni

Umsjón/ María Erla KjartansdóttirMyndir/ Frá framleiðendum Korkur er náttúrulegt efni og er meðal annars ein undirstaðan í línóleumdúkum. Hann er sjálfbær og eftir líftíma sinn brotnar hann auðveldlega niður í náttúrunni. Korkur hefur verið notaður sem einangrunarefni í þúsundir ára og til eru heimildir fyrir því að Forn-Grikkir, Rómverjar og Egyptar hafi verið meðal þeirra fyrstu til þess að nota kork sem tappa í flöskur og tunnur, í skóbúnað, eða sem baujur fyrir fiskinet svo dæmi séu nefnd. Þetta eitt og sér gefur okkur góða vísbendingu um hversu sterkt efnið er sem hefur einnig verið notað sem gólfefni í áraraðir.