Einlæg og hugdjörf frumraun framúrskarandi leikstjóra 

Umsjón og texti: Silja Björk Björnsdóttir / Myndir: Frá framleiðanda  Nýverið var kvikmyndin Tilverur frumsýnd við hátíðlega athöfn á tuttugu ára afmælishátíð Reykjavík Film Festival. Tilverur er frumraun hins unga og upprennandi leikstjóra Ninnu Pálmadóttur sem áður hefur leikstýrt stuttmyndunum Blaðberinn (2019) og Allir hundar deyja (2020). Handritið er úr smiðju Rúnars Rúnarssonar sem sjálfur hefur getið sér gott orð í leikstjórastólnum með kvikmyndum sínum Þrestir (2015) og Eldfjallið (2011). Saman leiða þau Ninna og Rúnar hesta sína í kvikmyndinni Tilverur sem hlotið hefur einróma lof gagnrýnenda.   Tilverur segir frá Gunnari, öldruðum bónda sem neyðist til þess að selja...